سرائکی کے عظیم شاعر شاکر شجاع آبادی
مولا مَستن جا ڪم پاڻ ڪري……
شاڪر شجاع آبادي ڪجھ سال اڳ جڏھن منهنجي ڳوٺ آيو ھو ۽ ھڪ ڏينهن ۽ ھڪ رات مونوٽ ٽڪيو .
الائي ڪيتري ۽ خوب ڪچھري ٿي ھئي. .
کوڙ واقعه ، حادثه، آسرا، يادون، ملاقاتون، خواهشون ، حسرتون وغيره، سليون ھئائين. جيڪي اڃان لکي ڪونه سگهيو آھيان.
لکندس ضرور………
ڪچھري دوران جڏھن کائنس پڇيم ته، ڪا اھڙي خواھش، جيڪا پوري نه ٿي سگهي ھجي ۽ جنهنجو دل ۾ گھاءُ ھجي…!؟
ته شاڪر ٻڌايو……
“ منھنجي خواھش ھئي ته آئون گھڻو پڙھندس ۽ پي ايڇ ڊي ڪندس، پر ھڪ بيماري ۽ ٻيو غربت سڀ ڪجھ لوڙھي وئي“
اڄ شاڪرشجاع آبادي کي بھاولپور اسلاميه يونيورسٽي پاران مليل ڊاڪٽريٽ ( پي ايڇ ڊي )جي ڊگري جو ٻُڌِي … سچ ته حيرانگي سان گڏ خوشيءَ ۾ اکيون ڀرجي آيون……
ڪاش . . ويجهو هجانس ها ته ھڪ ڀاڪر ۽ ھڪ چمي ڏئي مبارڪ ڏيانس ھا ۽ چوانس ھا ته. .
ايئن به ٿيندو آ ته، اڻ ٿيڻو يا ناممڪن سمجهيون ويندڙ خواهشون، ربِ ڪائينات پوريون ڪري ڏيکاريندو آ…!!
ڏيئا ٻال ڪي شاڪر رک ڇوڙو
ھوا ڄاڻي ، خدا ڄاڻي
( مھر ڊٻائي )
Comments
Post a Comment