اسان جا درد صوفی آھن
🙏🙏
اسان جا درد صوفي هن
صدا گيڙو رتا ڪپڙا
ددڙ ۽ دوڙ رستن تي
صفا هن ڪوڙ رستن تي
دلين جا ديپ ٻاريون ٿا
اسان اندر اجاريون ٿا
وڇوڙا رات ۾ ويڙهيل
جڏھن ايندا اکڙين ۾
کڻي چپڙيون ۽ يڪتارا وصل جا گيت واريون ٿا
تڏهن هي درياء جيڏي دل کڻي
اسين ترندي تنواريون ٿا
اسان جا درد صوفي هن
اوهان جا قهر قوفي هن
يزيدي وقت ويريء آ
تاريخ سڄي ميري آ
مگر پوءِ به پنهل سائين
فقيري ۾ اميري آ
سڄڻ جي سڪَ جو سڳڙو سڄو
سنسار سوري ٿو
تڏهن هي ساھ سسئي جيان پهاڙي
پنڌ ڏوڙي ٿو
اسين تنهجي پلڪن جا پروانا
تنهجي اکڙين جا ديوانا
تنهنجي درشن ۽ ديا لاءِ ٿياسين
مست مستانا
اندر جو در کليو آهي رڳو
توکي ڏٺو آھي
تنهنجي ئي آ طلب تن من ۾
رلائي پئي ٿي بن بن ۾
اسان ويراڳ ورتوسين
۽ دپڪ راڳ ورتوسين
کڻي اکڙين جا پيمانا
اوهان جي جام سان او جانان
جڏهن جونهگار بڻجون ٿا
تڏهن پيئون ۽ پيئاررون ٿا
اها بازي اسان جي آ
اڙي قاصي اسان جي آ
اڙي منڪر محبت جا ڪندي ڇا تون
قبيلي کي
قبيلو هي ڪٺل آھي
تنهنجي شيخي ۽ شريئت کان رٺل آھي
اسن ان در صدا داسي
ازل کان پيار جا پياسي
اسين گولا غلامئ ۾َ
سدا سجدي سلامئ ۾
انهن جا ئي سڏايون ٿا
تڏهن خود کي پڏايون ٿا.
بخشل مهراڻهوي.
Comments
Post a Comment